GUSHIKIRIZA UMUYOBOZI MUSHASHA W’ISHURE PENN BLIND SCHOOL

Ku musi wa gatanu igenekerezo rya 05 rusama uno mwaka turimwo wa 2023, Uwurongoye urwego rushinzwe intwaro (président du conseil de l’administration) muri Fondation Uwiragiye, umushingantahe François UWIRAGIYE, yaragendeye Fondation uwiragiye. Ugo rugendo rwiwe rukaba rwari rufise intumbero zibiri nyamukuru :

• Namugihe uwo arongoye ugo rwego asanzwe ariwe atanga uburyo muri Fondation Uwiragiye, yaraje  kuraba ko uburyo abafashisha bukoreshwa neza ivyo bwagenewe
• Intumbero ya kabiri kwari gushikiriza umuyobozi mushasha w’ishure Penn Blind School kuko uwahora arongoye iryo shure agomba aje hanze y’igihugu kunonosora amashure. Serges YANDOKOYE akaba yagire arangize umwaka w’ishure ari umuyobozi w’ishure Penn Blind school, asubiriwe na Audace Coyitungiye bavuka mu ntara imwe na komine  imwe.Uwo amusubiriye akaba yaranamubereye umwigisha mu mashure y’intango.

Muvyo yabasabiye umuyobozi mushasha Audace Coyitungiye kwari kumuterintege, mu mabanga mashasha agiyemwo, Audace Coyitungiye nahagiye kuba mushasha mu ku yobora ishure ry’igako abana bagendana ubumuga bwo kutabona Penn Blind school, aho yahora mu ntara ya kayanza yarasanzwe ari umuyobozi w’ishure rya Reta imyaka irenga cumi yose, Mw’ijambo yashikirije akengururkira abavyeyi batanguje Fondation Uwiragiye yarabashimiye kucizere bamugiriye, mbere ngo siniryambere bamwizera, acababwira abigisha ko bazokorana neza  nkuko naho yahora vyari bimeze.

Umupfasoni Sylvie Uwiragiye yatanguje Fondation Uwiragiye, akaba arinawe ayiserukira imbere y’amategeko,yarashimiye Umushingantahe wiwe, asanzwe ariwe amushigikira kukuntu adahengeshanya kwitaho ibikorwa vya Fondation arongoye,  eka mbere akanakwirikiranira hafi ibikorwa vyayo.

 Muvyo yamumenyesheje bikanamuhimbara n’umusore yitwa Donatien NIYONZIMA agendana ubumuga bwo kutabona, Donatien akaba yahejeje kaminuza mu mwaka uheze, afashijewe na Fondation Uwiragiye mbere bakaba baciye bamuronsa n’akazi, uwundi n’umwigeme yitwa Divine Ndacayisaba na wene agendana ubumuga bwo kutabona akaba asanzwe yahawe akazi na Fondation uwiragiye, bose ukwari babiri ngo bariko baritegurira ubukwe kandi bakazokubakana n’abatagendana ubumuga. Ivyo vyarahimbaye cane Umurwizatunga François uwiragiye ngo kuko « carico cipfuzo ciwe kuva kera cuko batokwibana bonyene ko umwigeme canke umusore bagendana ubumuga bwo kutabona ko bokubakana n’abatagendana ubwo bumuga».

 Kuva mu mwaka wa 2018 mu kwezi kwa kane itarike zine Fondation Uwiragiye niho yugurura imiryango, itangurana n’abana bagendana ubumuga bwo kutabona bangana cumi na batatu(13) igitangura yitwa Fondation Penn, ariko munyuma izina rirahinduka niko kwitwa Fondation Uwiragiye.

Imyaka itanu ikaba yarakwiye Fondation Uwiragiye iriko ifasha kwiga abana bagendana ubumuga bwo kutabona. Mu batuma ivyo vyose bikunda N’umurwizatunga François Uwiragiye umushingantahe wa Sylvie Uwiragiye yatanguje iyo Fondation, uburyo bwose bukoreshwa mwiyo Fondation bwama butangwa n’uruganda Musumba steel ruhingura ibikoresho vyo kubaka amazu rwegukira uwo Murwizatunga.

«  Ishure Penn Blind school kuva rigitangura Audace Coyitungira akaba aje kuritwara nku muyobozi agira gatatu nyuma ya Révérant Pasteur SOBOMANA Hamwe na Serges YANDOKOYE ».